Tennısshi Denıs Evseev Shveıtsarııadaǵy týrnırdi sátti bastady
NUR-SULTAN. QazAqparat – Qazaqstandyq Denıs Evseev Lýgano (Shveıtsarııa) chellendjer týrnıriniń irikteý saıysyn sátti bastady, dep habarlaıdy QazAqparat tilshisi.
Qazaqstan tennıs federatsııasy málim etkendeı, dúnıejúzilik reıtıngte 338-orynda turǵan D.Evseev óziniń sporttyq jolyndaǵy mańyzdy jeńisine qol jetkizdi.
Ol álemniń burynǵy 14-raketkasy, 2013 jylǵy Ýımbldon týrnıriniń jartylaı fınalısi, Polsha ókili Ejı ıAnovıchti 4:6, 6:3, 7:6 (7:4) esebimen tize búktirdi.
D.Evseev 2 saǵat 40 mınýtqa sozylǵan tartysty báseke barysynda 7 eıs jasap, 15 breık-poınttyń tórteýin óz esebine jazdy.
Qarsylasy 13 eıs, 3 breıkpen (8 breık-poınt) kózge tústi.
Qazaqstandyq tennısshi irikteý saıystarynyń fınalynda taǵy bir tájirıbeli sportshy, bosnııalyq Aldan Setkıchti jeńse, negizgi týrnırge joldama alady.
Eske sala keteıik, budan buryn Mıhaıl Kýkýshkınniń Maıamı týrnırinde úshinshi aınalymǵa shyǵa almaǵanyn jazǵan bolatynbyz .
