Tennısshi Denıs Evseev Prezıdent kýbogynyń fınalyna ótti
NUR-SULTAN. QazAqparat - Elordada erler men áıelder arasynda Prezıdent kýbogynyń fınalyna shyqqan tennısshiler anyqtaldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Denıs Evseev óz sporttyq jolynda alǵash ret chellendjer týrnıriniń fınalyna joldama aldy.
D.Evseev jartylaı fınalda otandasy Beıbit Jýkaevty 6:4, 6:4 esebimen utty. Ár partııada Denıs bir-birden breık jasady.
D.Evseev jeksenbi kúni fınalda jarystyń birinshi raketkasy, reseılik Roman Safıýllınmen bas júldeni sarapqa salady.
R.Safıýllın jartylaı fınalda taǵy bir qazaqstandyq Dmıtrıı Popkodan aılasyn asyrdy - 6:3, 6:2.
Prezıdent kýbogy aıasynda áıelder arasynda ITF M60 dodasynda sońǵy básekede japonııalyq Moıýka Ýchıdjıma men serbııalyq Natalıa Stefanovıch kezdesedi.
Eske sala keteıik, budan buryn alǵash ret úsh qazaqstandyq tennısshiniń Prezıdent kýbogynyń jartylaı fınalyna shyqqanyn jazǵan bolatynbyz.
