Tennısshi Beıbit Jýkaev Ystanbul týrnıriniń shırek fınalyna shyqty
NUR-SULTAN. QazAqparat - Qazaqstandyq Beıbit Jýkaev Ystanbul chellendjer týrnıriniń shırek fınalyna shyqty, dep habarlaıdy QazAqparat tilshisi.
Dúnıejúzilik reıtıngte 357-orynda turǵan qazaqstandyq tennısshi ekinshi aınalymda álemniń 234-inshi, osy jarystyń 8-raketkasy, ıspanııalyq Nıkolas Alvares Varonamen sheberlik baıqasty.
B.Jýkaev 6:4, 6:1 esebimen jeńiske jetti.
Bir saǵattan astam ýaqytqa sozylǵan matchta Aqtaý tennıs mektebiniń túlegi 4 eıs jasap, 4 breık-poınttyń úsheýin paıdalana bildi. Qarsylasy 4 eıspen ǵana kózge tústi.
B.Jýkaev jartylaı fınalǵa shyǵý úshin álemniń 108-inshi, dodanyń 2-raketkasy, moldovalyq Radý Albotpen talasady. Ol reıtıngide 314-satydaǵy germanııalyq Genrı Skvaırdy utty - 6:4, 6:3.
Eske sala keteıik, budan buryn tennısten Devıs kýbogynda Qazaqstannyń Nıderland quramasynan jeńilip qalǵanyn jazǵan bolatynbyz.
Foto: ktf.kz
