Tennısshi Beıbit Jýkaev elordadaǵy jarystyń fınalyna shyqty
NUR-SULTAN. QazAqparat - Qazaqstandyq Beıbit Jýkaev elordadaǵy Ulttyq tennıs ortalyǵynda ITF serııasy boıynsha ótip jatqan M25 týrnıriniń fınalyna shyqty, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, B.Jýkaev jartylaı fınalda jarystyń ekinshi raketkasy, úndistandyq Pradjnesh Gýnnesvaranmen sheberlik baıqasty.
Aqtaý tennıs mektebiniń túlegi 2 saǵat 6 mınýtqa sozylǵan kezdesýde 4:6, 6:3, 6:4 esebimen jeńiske jetti.
Qazaqstandyq tennısshi báseke barysynda 13 eıs jasap, 2 breıkke qol jetkizdi.
B.Jýkaev elordadaǵy dodanyń fınalynda ózbekstandyq Sergeı Fomınmen bas júldeni sarapqa salady.
Taǵy bir qazaqstandyq Denıs Evseev juptyq synda Belarýs ókili Ivan Lıýtarevıchpen birge fınalda estonııalyqtar Danııl Glınka - Karl Saarǵa ese jiberdi - 6:7, 3:6.
Áıelder arasynda jekeleı synda sońǵy básekede japonııalyq Momoko Koborı men úndistandyq Ankıta Raına oınaıdy.
Eske sala keteıik, budan buryn Aleksandr Býblıktiń AQSh-taǵy jarystyń jartylaı fınalyna shyqqanyn jazǵan bolatynbyz.
Foto: ktf.kz
