Tennısshi Beıbit Jýkaev elordadaǵy týrnırdiń fınalyna deıin jetti

NUR-SULTAN. QazAqparat - Ulttyq tennıs ortalyǵynda ITF serııasy boıynsha erler arasynda M25 týrnıri máresine jetti, dep habarlaıdy QazAqparat tilshisi.

Fınalda álemniń 408-inshi, osy jarystyń 5-raketkasy, ózbekstandyq Sergeı Fomın dúnıejúzilik reıtıngide 473-satyda turǵan qazaqstandyq Beıbit Jýkaevpen bas júldeni sarapqa saldy.

Birinshi partııada ózbekstandyq tennısshi 6:4 esebimen basym tústi.

Ekinshi sette B.Jýkaev ese qaıyrdy - 6:2.

Degenmen úshinshi, sheshýshi partııada ózbekstandyq sportshy jeńip ketti - 6:4.

Osylaısha, Aqtaý tennıs mektebiniń túlegi elordadaǵy jarystyń fınalyna deıin jetti.

Eske sala keteıik, budan buryn Aleksandr Býblıktiń Nıýport týrnıriniń fınalyna shyqqanyn, Qazaqstannyń jas tennısshileri Eýropadaǵy jarystarda jeńimpaz atanǵanyn jazǵan bolatynbyz.