Tennısshi Beıbit Juqaev AQSh-taǵy jarystyń jartylaı fınalyna ótti

ASTANA. QazAqparat – Qazaqstandyq, álemniń 325-raketkasy, 22 jastaǵy Beıbit Juqaev AQSh-tyń Lıttl-Rok qalasynda ótip jatqan chellendjer jarysynyń jartylaı fınalyna shyqty, dep habarlaıdy QazAqparat tilshisi.

Qazaqstandyq tennısshi shırek fınalda otandasy, reıtıngte 296-orynda turǵan Mıhaıl Kýkýshkınmen sheberlik baıqasty.

Birinshi partııada 35 jastaǵy tájirıbeli M.Kýkýshkın taı-breıkte sátti oınady – 7:6 (8:6).

Ekinshisinde B.Juqaev ese qaıyrdy – 6:4.

Úshinshi, sheshýshi sette esep 5:4 bolyp, Beıbit matchqa dop bergende, múmkindigin paıdalana almady. Degenmen sodan keıin breıkpen taǵy alǵa ketti – 6:5. Bul joly ol múlt ketken joq – 7:5.

Úsh saǵatqa jýyq ýaqytqa sozylǵan tartysty báseke barysynda B.Juqaev 16 eıs jasap, 10 breık-poınttyń tórteýin óz esebine jazdy. M.Kýkýshkın 3 eıs, 2 breıkpen (5 breık-poınt) kózge tústi.

B.Juqaev fınalǵa shyǵý úshin álemniń 288-raketkasy, aýstralııalyq Adam Ýoltonmen talasady.

Eske sala keteıik, budan buryn qazaqstandyq tennısshilerdiń AQSh-taǵy jarystyń shırek fınalynda kezdesetinin jazǵan edik.

Rolan Garrosta Qazaqstan tennısshi qyzdary úzdik úshtikke endi.

ıÝlııa Pýtıntseva Rolan Garros týrnırinde AQSh chempıonyna jol berdi.