Tennısshi Arýjan Saǵyndyqova alǵash ret US Open týrnırine ótti
NUR-SULTAN. QazAqparat - Qazaqstandyq Arýjan Saǵyndyqova alǵash ret AQSh ashyq chempıonatynyń jasóspirimder týrnırine ótti, dep habarlaıdy QazAqparat tilshisi.
Halyqaralyq tennıs federatsııasynyń (ITF) jasóspirimder reıtıngisinde 58-orynda turǵan Arýjan Saǵyndyqova irikteý saıystarynyń fınalynda amerıkalyq Djýletta Parehamen (2062-raketka) kezdesti.
Arýjan qarsylasyn 6:2, 6:3 esebimen tize búktirdi.
Taǵy bir qazaqstandyq Sandýǵash Kenjebaeva (65-raketka) sheshýshi básekede Polsha ókili Veronıka Evaldqa (77-raketka) sýper taı-breıkte ǵana ese jiberdi - 6:4, 0:6, 7:10. Sóıtip ol negizgi dodaǵa óte almady.
Eske sala keteıik, budan buryn AQSh ashyq chempıonatynda Anna Danılınanyń úshinshi aınalymǵa shyqqanyn, Almaty týrnıriniń fınalyna shyqqan tennısshiler anyqtalǵanyn jazǵan bolatynbyz.
Sondaı-aq tennısshi Jibek Qulambaeva Almaty týrnıriniń jeńimpazy atandy.
