Tennısshi Anna Danılına óz mansabyndaǵy 25-shi tıtýldy jeńip aldy
NUR-SULTAN. QazAqparat - Qazaqstandyq Anna Danılına men ýkraınalyq tennısshi Valerııa Strahova Frantsııada ótken júlde qory 60 myń AQSh dollaryn quraıtyn týrnırde jeńimpaz atandy, dep habarlaıdy QazAqparat QR Tennıs federatsııasyna silteme jasap.
Fınalǵa ótken tennısshiler Marııa Lýrdes Karle (Argentına)/Marııa Tımofeeva (Reseı) jubyn jeńdi. Match breık almasýdan bastaldy, biraq sodan keıin Marııalar belsendilik tanytyp, qarsylastarynyń dobyn qatarynan úsh ret qabyldap, partııany 6:2 esebimen jeńip shyqty.
Ekinshi sette esep 3:3 bolyp, sheshýshi sát keldi: Anna men Valerııa eki breık jasap, oıyndy 6:3 esebimen utty. Sheshýshi sýper taı-breıkte qazaqstandyq-ýkraındyq dýet eki match-poınt oınap, aqyry 14:12 esebimen jeńiske qol jetkizdi.
Bul – Danılınanyń mansabyndaǵy juptyq saıystaǵy 25-shi ataǵy. Sonyń ishinde ol Halyqaralyq tennıs federatsııasynyń (ITF) jarysy aıasynda 24 jeńiske jetken, sonymen qatar osy jyldyń qańtarynda Sıdneıde WTA250 serııasy týrnırinde brazılııalyq Beatrız Haddad Maııamen birge jeńiske jetti. Sondaı-aq, bul Danılınanyń Stahovamen ótkizgen besinshi birlesken týrnırdegi jeńisi.
