Tennısshi Anna Danılına Astana Open týrnırin jeńispen bastady
NUR-SULTAN. QazAqparat - Qazaqstandyq Anna Danılına juptyq synda Astana Open WTA týrnırin jeńispen bastady, dep habarlaıdy QazAqparat tilshisi.
Qazaqstan tennıs federatsııasy málim etkendeı, A.Danılına reseılik Anna Blınkovamen birge bastapqy kezdesýin qazaqstandyqtar Jibek Qulambaeva - Gózal Aınıtdınovamen ótkizdi.
1 saǵat 17 mınýtqa sozylǵan matchta birinshi sette Danılına men Blınkova basymdyq tanytty - 6:3.
Ekinshisinde qazaqstandyqtar bir de bir geım bergen joq - 6:0.
Gózal men Jibek sýper taı-breıkti de ádemi bastap, sensatsııa jasaıtyndaı kóringen.
Degenmen tájirıbeli qarsylastary kúsh alyp ketti - 10:8.
Osylaısha qazaqstandyq-reseılik jup ekinshi aınalymǵa ótti.
Eske sala keteıik, budan buryn Tımofeı Skatovtyń ATP reıtıngisinde rekordtyq kórsetkishke qol jetkizgenin, Astana Open týrnırinde Jibek Qulambaevanyń ekinshi aınalymǵa shyǵa almaǵanyn jazǵan bolatynbyz.
