Tennısshi Andreı Golýbev juptyq synda Doha týrnıriniń shırek fınalyna shyqty
NUR-SULTAN. QazAqparat – Qazaqstandyq Andreı Golýbev juptyq synda Doha ATP 250 týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi frantsııalyq Fabrıs Martenmen birge bastapqy oıynyn ulybrıtanııalyqtar Denıel Evans – Ken Skýpskımen ótkizdi.
Qazaqstandyq-frantsııalyq jup birinshi partııa barysynda breık jasap, basym tústi – 6:4. Olar ekinshi sette de sol qarqynynan jańylǵan joq – 6:4.
Bir saǵattan sál astam ýaqytqa sozylǵan kezdesýde A.Golýbev pen F.Marten 3 eıs jasap, 7 breıktiń ekeýin óz esepterine jazdy. Qarsylastary bir ǵana eıs jasap, 4 breık-poıntty paıdalana alǵan joq.
A.Golýbev pen F.Marten shırek fınalda taǵy bir qazaqstandyq Aleksandr Býblık – majarstandyq Marton Fýchovıchpen sheberlik baıqasady. ıAǵnı qaı jup jeńse de, qazaqstandyqtardyń bireýi jalpy júlde qory 1 mln AQSh dollarynan asatyn jarystyń jartylaı fınalyna shyǵady.
A.Býblık jekeleı synda da týrnırdi jalǵastyrýda.
Eske sala keteıik, budan buryn Aleksandr Býblıktiń Doha týrnıriniń ekinshi aınalymyna shyqqanyn jazǵan bolatynbyz.
Al Mıhaıl Kýkýshkın Marselde tartysty matchta jeńilip qaldy.
