Tennısshi Andreı Golýbev Rım masters týrnırin sátti bastady
NUR-SULTAN. QazAqparat – Qazaqstannyń juptyq syndaǵy birinshi, álemniń 25-raketkasy Andreı Golýbev Rım masters týrnırin sátti bastady, dep habarlaıdy QazAqparat tilshisi.
Andreı Golýbev argentınalyq Maksımo Gonsalespen birge bastapqy kezdesýin jarystyń 4-raketkalary, aýstralııalyq Djon Pırs – slovakııalyq Fılıp Polashekpen ótkizdi.
Birinshi partııada aýstralııalyq-slovakııalyq jup basym tústi – 6:3.
Ekinshisinde Golýbev pen Gonsales ese qaıyrdy – 6:3. Sosyn sýper taı-breıkte jeńisti julyp aldy – 10:8.
Saǵat jarymǵa sozylǵan matchta qazaqstandyq-argentınalyq jup 9 breık-poınttyń bireýin ǵana paıdalandy. Qarsylastary 5 eıs, 1 breıkpen kózge tústi.
A. Golýbev pen M. Gonsalestiń júlde qory 5,4 mln eýrodan asatyn dodanyń ekinshi aınalymynda aýstralııalyqtar Mettıý Ebden – Maks Persell nemese grýzııalyq Nıkoloz Basılashvılı – taǵy bir qazaqstandyq Aleksandr Býblık juptarynyń qaı jeńgenimen kezdesedi.
Eske sala keteıik, budan buryn ıÝlııa Pýtıntsevanyń Rım týrnıriniń ekinshi aınalymyna shyqqanyn jazǵan bolatynbyz.
