Tennısshi Andreı Golýbev Mıýnhen týrnıriniń jartylaı fınalyna shyqty
NUR-SULTAN. QazAqparat – Qazaqstandyq Andreı Golýbev juptyq synda Mıýnhen (Germanııa) ATP 250 týrnıriniń jartylaı fınalyna shyqty, dep habarlaıdy QazAqparat tilshisi.
A.Golýbev frantsııalyq Fabrıs Martenmen birge shırek fınalda serbııalyqtar Ivan jáne Mateı Shabanovtarmen sheberlik baıqasty.
Birinshi partııa barysynda breık jasaǵan qazaqstandyq-frantsııalyq jup sol basymdyǵynan aıyrylǵan joq, esep – 6:3.
A.Golýbev pen F.Marten ekinshi sette de breık jasap, alǵa shyqqanymen, matchqa dop bergende, sol múmkindikti paıdalana almady, esep – 5:5. Degenmen, taǵy bir breık jasap, sosyn matchty jeńispen túıindedi, esep – 7:5.
Saǵat jarymnan astam ýaqytqa sozylǵan básekede qazaqstandyq-frantsııalyq jup 2 eıspen birge 7 breık-poınttyń úsheýin paıdalandy.
A.Golýbev pen F.Martenniń jartylaı fınaldaǵy qarsylastary keıin anyqtalady.
Taǵy bir qazaqstandyq Denıs Evseev jekeleı synda Rım chellendjer týrnıriniń shırek fınalyna shyǵa almady. Ol ıtalııalyq Djanmarko Moronıge 0:6, 1:6 esebimen jol berdi.
Eske sala keteıik, budan buryn tennısten qazaqstandyq tennısshiniń Mıýnhende olımpıada chempıondaryn utqanyn jazǵan bolatynbyz.
Sondaı-aq qazaqstandyq tennısshi Portýgalııadaǵy týrnırdiń shırek fınalyna shyqty.
Aleksandr Býblık «Men – qazaqpyn» dep aıtty.
