Tennısshi Andreı Golýbev Italııadaǵy jarystyń chempıony atandy
NUR-SULTAN. QazAqparat - Qazaqstandyq Andreı Golýbev juptyq synda Italııadaǵy Trıeste chellendjer týrnıriniń chempıony atandy, dep habarlaıdy QazAqparat tilshisi.
Qazaqstandyq tennısshi ýrýgvaılyq Arıel Beharmen birge fınalda frantsııalyqtar Hıýgo Gaston men Trıstan Lamazınmen kezdesti.
Qazaqstandyq-ýrýgvaılyq jup 1 saǵat 20 mınýtqa soǵylǵan matchta 6:4, 6:2 esebimen jeńiske jetti.
Bul - olardyń bıylǵy birlesken ekinshi tabysy. Budan buryn Italııadaǵy osyndaı dodada úzdik shyqqan edi.
Taǵy bir qazaqstandyq Dmıtrıı Popko jekeleı synda Chehııadaǵy Praga 2 týrnıriniń fınalyna shyǵa almady.
Júlde qory 137,5 myńnan astam dollarǵa baǵalanǵan dodanyń jartylaı fınalynda reseılik Aslan Karatsevpen sheberlik baıqasty.
2 saǵat 18 mınýtqa sozylǵan tartysty básekede reseıliktiń mereıi ústem boldy - 7:5, 4:6, 7:5.
A.Karatsev fınalda Nıderlandy ókili Tallon Grıkspýrmen kortqa shyǵady. Bul - reseıliktiń bıylǵy ekinshi fınaly. Budan buryn ol Praga dodasynyń sońǵy básekesinde shveıtsarııalyq Sten Vavrınkadan utylyp qalǵan edi.
Eske sala keteıik, budan buryn A.Golýbevtiń Italııadaǵy týrnırdiń fınalyna, al D.Popkonyń Pragada jartylaı fınalǵa shyqqanyn jazǵan bolatynbyz.
