Tennısshi Andreı Golýbev Italııadaǵy týrnırdiń fınalyna shyqty
NUR-SULTAN. QazAqparat – Qazaqstandyq Andreı Golýbev juptyq synda Kordenons (Italııa) chellendjer jarysynyń fınalyna shyqty, dep habarlaıdy QazAqparat tilshisi.
Osy týrnırdiń 2-raketkasy bolyp tirkelgen A.Golýbev pen ýrýgvaılyq Arıel Behar jartylaı fınalda shveıtsarııalyq Lýka Margaollı men ıtalııalyq Andrea Vavassorımen sheberlik baıqasty.
Qazaqstandyq-ýrýgvaılyq jup 7:6 (7:3), 6:2 esebimen eki partııada jeńiske jetti.
Báseke 1 saǵat 19 mınýtqa sozyldy.
A.Golýbev pen A.Behar fınalda dodanyń 1-raketkalary, argentınalyq Andres Moltenı men Monako ókili Hıýgo Nıs jáne taǵy bir monakolyq Romen Arneodo men aýstrııalyq Trıstan-Samýel Vaıssborn juptarynyń qaı jeńgenimen bas júldeni sarapqa salady.
Eske sala keteıik, budan buryn A.Golýbevtiń Italııadaǵy týrnırdiń jartylaı fınalyna shyqqanyn jazǵan bolatynbyz.
