Tennısshi Andreı Golýbev Italııadaǵy týrnırdiń chempıony atandy
NUR-SULTAN. QazAqparat – Qazaqstandyq Andreı Golýbev juptyq synda Kordenons (Italııa) chellendjer jarysynyń jeńimpazy atandy, dep habarlaıdy QazAqparattilshisi.
A.Golýbev pen ýrýgvaılyq Arıel Behar fınalda osy týrnırdiń 1-raketkalary, argentınalyq Andres Moltenı men monakolyq Hıýgo Nıspen bas júldeni sarapqa saldy.
Birinshi partııada Kordenons dodasynyń 2-raketkasy bolyp tirkelgen qazaqstandyq-ýrýgvaılyq jup basymdylyqtaryn kórsete bildi – 7:5.
Ekinshi sette esep 4:4 bolǵan mezette A.Golýbev pen A.Behar breık jasap, alǵa shyqty. Aqyry olar matchty jeńispen aıaqtaı bildi – 6:4.
Báseke 1 saǵat 30 mınýtqa sozyldy.
Sonymen A.Golýbev pen A.Behar Italııada ótken osyndaı týrnırdiń úshinshi ret qatarynan chempıony atanyp otyr.
Eske sala keteıik, budan buryn A.Golýbevtiń Italııadaǵy jarystyń fınalyna, ıÝ.Pýtıntsevanyń US Open týrnıriniń tórtinshi aınalymyna shyqqanyn, al M.Kýkýshkınniń jeńilip qalǵanyn jazǵan bolatynbyz.
