Tennısshi Aleksandr Nedovesov Ulybrıtanııadaǵy týrnırdiń fınalyna ótti
NUR-SULTAN. QazAqparat - Qazaqstandyq Aleksandr Nedovesov juptyq synda Ulybrıtanııadaǵy Sýrbıton chellendjer týrnıriniń fınalyna shyqty, dep habarlaıdy QazAqparat tilshisi.
Qazaqstandyq tennısshi pákstandyq Aısam Kýreshımen birge jartylaı fınalda úndistandyq Dıvıj Sharanga - jańazelandııalyq Artem Sıtakpen sheberlik baıqasty.
Bul jup dodanyń birinshi raketkalary, ulybrıtanııalyq Djımmı Mıýrreı - slovakııalyq Fılıpp Polashekti utyp ketken bolatyn.
Qazaqstandyq-pákstandyq jup 7:5, 6:3 esebimen jeńiske jetti.
Nedovesov pen Kýreshı 1 saǵat 20 mınýtqa sozylǵan matchta 2 eıs jasap, 3 breık-poınttyń ekeýin paıdalana bildi.
A.Nedovesov pen A.Kýreshı júlde qory 134 920 AQSh dollaryna baǵalanǵan jarystyń fınalynda ulybrıtanııalyqtar Djýlıan Kesh - Anrı Pattenmen bas júldeni sarapqa salady. Olar jartylaı fınalda taǵy bir ulybrıtanııalyq Bıllı Harrıs - shveıtsarııalyq Antýan Beleni joldan taıdyrdy - 6:3, 6:3.
Eske sala keteıik, budan buryn Jibek Qulambaevanyń Italııadaǵy jarystyń fınalyna shyqqanyn jazǵan bolatynbyz.
