Tennısshi Aleksandr Nedovesov Slovakııadaǵy týrnırdiń fınalyna shyqty
NUR-SULTAN. QazAqparat - Qazaqstandyq Aleksandr Nedovesov juptyq synda Bratıslava (Slovakııa) chellendjer týrnıriniń fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkendeı, A.Nedovesov ýkraınalyq Denıs Molchanovpen birge jartylaı fınalda úndistandyqtar Shrırambalaı Naraıanasvamı - Dıvıj Sharanmen kezdesti.p
Qazaqstandyq-ýkraınalyq jup 6:2, 6:3 esebimen jeńiske jetti.
Bir saǵatqa jýyq ýaqytqa sozylǵan matchta Nedovesov pen Molchanov 3 eıs jasap, 5 breık-poınttyń tórteýin paıdalandy. Qarsylastary 2 eıspen shekteldi.
A.Nedovesov pen D.Molchanovtyń fınaldaǵy qarsylastary keıin anyqtalady.
Eske sala keteıik, budan buryn A.Nedovesovtiń juptyq synda Slovakııadaǵy týrnırdiń jartylaı fınalyna shyqqanyn jazǵan bolatynbyz.
