Tennısshi Aleksandr Nedovesov Antalııa týrnırin sátti bastady
NUR-SULTAN. QazAqparat – Qazaqstandyq Aleksandr Nedovesov juptyq synda ýkraınalyq Denıs Molchanovpen birge Antalııa chellendjer týrnırin sátti bastady, dep habarlaıdy QazAqparat tilshisi.
Osy týrnırdiń 2-raketkasy bolyp tirkelgen qazaqstandyq-ýkraınalyq jup alǵashqy kezdesýin amerıkalyqtar Robert Gelloýeı – Aleks Loýsonmen ótkizdi.
A.Nedovesov pen D.Molchanov 6:4, 6:2 esebimen eki sette jeńiske jetti.
Báseke bir saǵattaı ýaqytqa sozyldy.
Osylaısha A.Nedovesov pen D.Molchanov júlde qory 44 820 AQSh dollaryna baǵalanǵan jarystyń shırek fınalyna shyqty. Olar jartylaı fınalǵa ótý úshin kolýmbııalyq Danıel Elahı Galan Rıveros pen ekvadorlyq Emılıo Gomes jáne slovakııalyq Iozef Kovalık pen mysyrlyq Mohamed Safvat juptarynyń qaı jeńgenimen talasady.
Eske sala keteıik, budan buryn Qazaqstannyń úzdik tennısshileri reıtıngtegi ornyn saqtap qalǵanyn, Shymkentte halyqaralyq týrnır ótetinin jazǵan bolatynbyz.
