Tennısshi Aleksandr Býblık «Úlken dýlyǵanyń» úsh dúrkin chempıonyn utty
NUR-SULTAN. QazAqparat – Qazaqstannyń birinshi, álemniń 36-raketkasy Aleksandr Býblık Monte-Karlo ATP Masters 1000 týrnırin jeńispen bastady, dep habarlaıdy QazAqparat tilshisi.
Qazaqstandyq tennısshi alǵashqy aınalymda álemniń burynǵy úshinshi raketkasy, qazirgi kezde reıtıngte 236-orynda turǵan «Úlken dýlyǵa» týrnıriniń úsh dúrkin jeńimpazy, shveıtsarııalyq Stanıslas Vavrınkamen kezdesti.
Jaraqatyna baılanysty kópten beri oınamaǵan 37 jastaǵy shveıtsarııalyq sportshynyń bul sońǵy 12 aıdaǵy ekinshi oıyny edi.
Birinshi partııany A.Býblık breıkpen bastaǵanymen, S.Vavrınka kúsh alyp ketti – 6:3.
Esesine ekinshi sette Býblık ese qaıyrdy – 7:5.
Sheshýshi, úshinshi partııany qazaqstandyq sportshy breıkpen támamdady – 6:2.
Eki saǵattan astam ýaqytqa sozylǵan match barysynda A.Býblık 14 eıs jasap, 11 breık-poınttyń beseýin paıdalandy. Qarsylasy 4 eıs, 3 breıkten (8 breık-poınt) asa alǵan joq.
A.Býblık jalpy júlde qory 5,8 mln eýroǵa baǵalanǵan masters jarysynyń úshinshi aınalymyna shyǵý úshin álemniń 19-raketkasy, ıspanııalyq Pablo Karreno-Býsta nemese reıtıngte 66-satydaǵy argentınalyq Sebastıan Baestiń bireýimen talasady.
Eske sala keteıik, budan buryn Zańǵar Nurlanulynyń Portýgalııadaǵy sýper týrnırdiń fınalısi atanǵanyn, Qazaqstannyń birinshi raketkasy álemdik reıtıngide kóterilgenin jazǵan bolatynbyz.
