Tennısshi Aleksandr Býblık reıtıngide 45-orynǵa kóterildi
NUR-SULTAN. QazAqparat – Qazaqstannyń birinshi raketkasy Aleksandr Býblık jańartylǵan reıtıngide 45-orynǵa kóterildi, dep habarlaıdy QazAqparat tilshisi.
A.Býblık óziniń sporttyq jolynda rekordtyq nátıjege qol jetkizdi.
Onyń budan burynǵy úzdik kórsetkishi 2020 jyldyń aqpanyndaǵy 47-oryn edi.
Osylaısha ótken aptada Antalııa ATP 250 týrnıriniń fınalyna deıin jetken A.Býblık birden bes satyǵa (50-den 45-ke) joǵarylady.
Kásipqoı tennısshiler qaýymdastyǵynyń (ATP) reıtıngisinde burynǵysha serbııalyq Novak Djokovıch kósh bastasa, ıspanııalyq Rafael Nadal ekinshi, aýstrııalyq Domınık Tım úshinshi orynda keledi.
Qazaqstandyqtardan Mıhaıl Kýkýshkın 89-ynshy, Dmıtrıı Popko 165-ornyn saqtap qaldy.
Juptyq synda M.Kýkýshkın 76-ornynda qaldy. Al Andreı Golýbev pen A.Býblık úsh satyǵa kóterilip, sáıkesinshe 85-inshi jáne 89-orynǵa jaıǵasty. Aleksandr Nedovesov 133-satyda tur.
Eske sala keteıik, budan buryn Aýstralııa ashyq chempıonatyna kelgen 47 tennısshiniń karantınde jatqanyn jazǵan bolatynbyz.
