Tennısshi Aleksandr Býblık Istbýrn týrnıriniń irikteý saıysyn jeńispen bastady
NUR-SULTAN. QazAqparat - Qazaqstandyq Aleksandr Býblık Istbýrn týrnıriniń irikteý saıysyn jeńispen bastady, dep habarlaıdy QazAqparat tilshisi.
Álemniń 85-raketkasy A.Býblık reıtıngte 239-orynda turǵan kanadalyq Stıven Dıaspen kúsh synasty. Іrikteý saıystarynyń 4-raketkasy bolyp tirkelgen qazaqstandyq tennısshi birinshi partııada 4:6 esebimen ese jiberdi. Esesine ekinshi sette qarsylasyna birde-bir geım bergen joq - 6:0. Úshinshi, sheshýshi partııada A.Býblık matchty jeńispen aıaqtaı bildi - 6:3.
Báseke 1 saǵat 28 mınýtqa sozyldy.
A.Býblık irikteý saıystarynyń fınalynda álemniń 91-raketkasy, amerıkalyq Tennıs Sandgrenmen kortqa shyǵady. Ony utsa, negizgi týrnırge joldama alady.
Áıelder arasynda qazaqstandyq Galına Voskoboeva latvııalyq Elena Ostapenkomen birge juptyq synda Bırmıngem týrnıriniń fınalyna óte almady. Qazaqstandyq-latvııalyq jup jartylaı fınalda taıbeılik Se Shýveı men chehııalyq Barbora Strytsovadan 0:6, 3:6 esebimen utylyp qaldy.
Eske sala keteıik, budan buryn Zarına Dııastyń Istbýrnnyń negizgi týrnırine, ıÝlııa Pýtıntsevanyń Bırmıngemde jartylaı fınalǵa óte almaǵanyn jazǵan bolatynbyz.
