Tennısshi Jibek Qulambaeva Kolýmbııadaǵy týrnırdiń jartylaı fınalyna shyqty
ASTANA. KAZINFORM — Qazaqstandyq tennısshi Jibek Qulambaeva Kolýmbııanyń Sopo qalasynda ótip jatqan WTA 125 sanatyndaǵy týrnırdiń jartylaı fınalyna joldama aldy, dep habarlaıdy UOK baspasóz qyzmeti.
Otandasymyz juptyq synda slovenııalyq Veronıka Erıavetspen birge óner kórsetip jatyr.
Shırek fınalda qazaqstandyq-slovenııalyq jup aýstralııalyq Tenıka Makgıffın men Aleksandra Osbornǵa qarsy kortqa shyqty.
Kezdesý eki setke sozylyp, Jibek Qulambaeva men Veronıka Erıavets 6:2, 6:2 esebimen jeńiske jetti.
Endi fınal joldamasy úshin olar amerıkalyq Rashıda Makadý men Anna Rodjerspen kezdesedi.
Osyǵan deıin Qazaqstannyń ekinshi, álemniń 107-raketkasy Aleksandr Shevchenko Stokgolm (Shvetsııa) ATP 250 týrnıriniń jartylaı fınalynan tys qaldy.
