Tennısshi Grıgorıı Lomakın Úndistandaǵy týrnırdiń fınalyna deıin jetti

ASTANA. KAZINFORM — Qazaqstandyq Grıgorıı Lomakın juptyq synda Ahmedabad (Úndistan) ITF M25 týrnıriniń fınalynda oınady.

Qazaqstandyq tennısshi amerıkalyq Nık Cheppelmen birge jarys barysynda úsh kezdesýin jeńispen aıaqtady.

Sonyń ishinde jartylaı fınalda G.Lomakın — N.Cheppell dodanyń birinshi raketkalary, japonııalyqtar Rıýkı Matsýda — Rıotaro Tagýchıdi tize búktirdi — 7:5, 6:3.

Qazaqstandyq-amerıkalyq jup sońǵy básekede úndistandyq Adıl Kalıanpýr — aýstralııalyq Kodı Pırsonmen chempıondyq ataqty sarapqa saldy.

Bir saǵat 44 mınýtqa sozylǵan match tartysty ótip, úndistandyq-aýstralııalyq dýettiń paıdasyna sheshildi — 6:3, 4:6, 16:14.

Taǵy bir qazaqstandyq, 17 jastaǵy Ámir Omarhanov germanııalyq Sıdnı Tsıkpen birge Sharm-el-Sheıh (Mysyr) ITF M15 jarysynyń jartylaı fınalyna deıin jetip, onda Belarýs ókili Erık Arýtıýnıan — grýzııalyq Saba Pýrtseladzege jol berdi — 6:3, 3:6, 7:10.

Eske sala keteıik, budan buryn Dmıtrıı Popkonyń Meksıkadaǵy jarystyń 4-raketkasyn jeńip, jartylaı fınalǵa shyqqanyn jazǵan edik.

Sondaı-aq Beıbit Juqaev Meksıkadaǵy týrnırdiń jartylaı fınalynda oınaıdy.