Tennısshi Grıgorıı Lomakın Taıbeıdegi týrnırdiń fınalyna shyqty
ASTANA. KAZINFORM — Qazaqstandyq tennısshi Grıgorıı Lomakın juptyq synda Qytaılyq Taıbeıde ótip jatqan ITF M25 týrnıriniń fınalyna joldama aldy.
Qazaqstandyq tennısshi estonııalyq Krıstıan Tammen birge alǵashqy aınalymda tartysty matchta úndistandyqtar Nıtın-Kýmar Sınha - Manısh Sýreshkýmardy joldan taıdyrdy – 7:6 (9:7), 2:6, 10:6.
Qazaqstandyq-estonııalyq jupqa búgin eki birdeı kezdesý ótkizýge týra keldi.
Lomakın – Tamm shırek fınalda jarystyń 4-raketkalary, japonııalyqtar Sındzı Hazava – Sýnsıýke Mıtsýıdi qapy qaldyrdy – 6:3, 6:4.
Sodan keıin jartylaı fınalda dodanyń 1-raketkalary, aýstralııalyqtar Itan Kýk – Taı Sachty kambekpen tize búktirdi – 4:6, 6:3, 10:7.
Grıgorıı Lomakın – Krıstıan Tam fınalda japonııalyqtar Taıseı Ishıkava — Masamıtı Imamýramen chempıondyq ataqty sarapqa salady.
Bir qyzyǵy, Lomakın aldyńǵy aptada reseılik Petr Bar-Bırıýkovpen birge Astanada Prezıdent kýbogy aıasynda ótken ATP Challenger týrnıriniń fınalynda dál osy japonııalyq jupqa ese jibergen edi.
Bul joly Lomakın qarymta qaıyra ala ma, ony 23 tamyzǵa belgilengen sońǵy báseke kórsetedi.
Eske sala keteıik, budan buryn Grıgorıı Lomakınniń Astanadaǵy chellendjer týrnıriniń fınalyna deıin jetkenin jazǵan edik.
