Tennısshi Denıs Evseev Azııa oıyndarynyń shırek fınalyna shyqty

Qazaqstandyq tennısshi Denıs Evseev Azııa oıyndarynyń shırek fınalyna shyqty, dep habarlaıdy QazAqparat tilshisi.

Dúnıejúzilik reıtıngte 261-orynda turǵan D.Evseev úshinshi aınalymda álemniń 184-inshi, Azıadanyń 6-raketkasy, Taıbeı ókili Týn-Lın Výmen sheberlik baıqasty.

Qazaqstandyq tennısshi eki saǵattan astam ýaqytqa sozylǵan tartysty matchta birinshi partııada 2:6 esebimen ese jibergenimen, sodan keıin tarazy basyn ózine aýdara bildi – 6:3, 6:4.

Denıs Evseev jartylaı fınalǵa shyǵý úshin álemniń 78-inshi, dodanyń 2-raketkasy, japonııalyq Iosýke Vatanýkımen talasady.

D.Evseev – tennısten Qazaqstannyń Azıadada qalyp otyrǵan jalǵyz úmiti. Basqalarynyń bári jekeleı jáne juptyq synda jarys jolynan shyǵyp qaldy.

Sonyń ishinde reıtıngte 297-satydaǵy Beıbit Juqaev álemniń 159-raketkasy, úndistandyq Sýmıt Nagalǵa 6:7 (9:11), 4:6 esebimen jol berip, shırek fınalǵa shyǵa almady.

Eske sala keteıik, budan buryn Azııa oıyndarynda Qazaqstan erler quramasynyń nysana kózdeýden kúmis medal alǵanyn jazǵan bolatynbyz.