Tennısshi Aleksandr Shevchenko Madrıd týrnırin sátti bastady

ASTANA. KAZINFORM — Qazaqstandyq, álemniń 106-raketkasy Aleksandr Shevchenko topyraq tósenishinde ótip jatqan Madrıd (Ispanııa) chellendjer týrnıriniń ekinshi aınalymyna shyqty.

Jarystyń 4-raketkasy bolyp tirkelgen qazaqstandyq tennısshi alǵashqy aınalymda dúnıejúzilik reıtıngide 120-orynda turǵan amerıkalyq Trıstan Boıerdiń meselin qaıyrdy.
A.Shevchenko 7:5, 6:3 esebimen eki sette jeńiske jetti.

Bir saǵat 43 mınýtqa sozylǵan báseke barysynda Shevchenko 4 eıspen birge 13 breık-poınttyń beseýin paıdalandy. Boıer 3 eıs, 2 breıkten (4 breık-poınt) asa almady.

Aleksandr Shevchenko shırek fınalǵa shyǵý úshin álemniń 397-raketkasy, slovakııalyq Norbert Gombosh nemese reıtıngide 433-satydaǵy ıspanııalyq Mıgel Damastyń qaı jeńgenimen talasady. 

Madrıd jarysy 13 sáýirde máresine jetedi. 

Eske sala keteıik, budan buryn Dmıtrıı Popkonyń Qazaqstannyń úshinshi raketkasy atanǵanyn jazǵan bolatynbyz.

Sondaı-aq qazaqstandyq jas tennısshi Ózbekstandaǵy jarystyń chempıony atandy.

Qazaqstan áıelder quramasy Brısbende jattyǵyp jatyr.