Tennıs: Jibek Qulambaeva jańa jyldy chempıondyq ataqpen bastady
NUR-SULTAN. QazAqparat – Qazaqstandyq Jibek Qulambaeva juptyq synda Úndistannyń Mýmbaı qalasynda ITF W25 týrnıriniń jeńimpazy atandy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, J.Qulambaeva latvııalyq Dıana Martsınkevıchpen fınalda osy jarystyń 1-raketkalary, taǵy bir qazaqstandyq Anna Danılına – ýkraınalyq Valerııa Strahovamen chempıondyq ataqty sarapqa saldy.
Birinshi partııada Jibek pen Dıana 6:3 esebimen basym tústi.
Ekinshisinde Anna men Valerııa ese qaıyrdy – 6:4.
Sýper taıbreıkte J.Qulambaeva men D.Martsınkevıch jeńisti julyp aldy – 10:6.
Osylaısha Jibek juptyq synda ITF týrnırlerindegi 14-inshi, bıylǵy alǵashqy tıtýlyna qol jetkizdi.
Eske sala keteıik, budan buryn Jibek Qulambaevanyń Úndistandaǵy týrnırdiń fınalyna shyqqanyn jazǵan bolatynbyz.
