Tennıs: Jibek Qulambaeva Úndistandaǵy týrnırdiń fınalyna shyqty
NUR-SULTAN. QazAqparat – Qazaqstandyq Jibek Qulambaeva juptyq synda Úndistannyń Navı-Mýmbaı qalasynda ótip jatqan W25 týrnıriniń fınalyna shyqty, dep habarlaıdy QazAqparat tilshisi.
Osy dodanyń 4-raketkasy bolyp tirkelgen J.Qulambaeva latvııalyq Dıana Martsınkevıchpen birge jarys barysynda eki báseke ótkizip, jartylaı fınalǵa shyqqan edi.
Qazaqstandyq-latvııalyq jup jartylaı fınalda japonııalyqtar Naho Sato – Moıýka Ýchıjımamen kezdesýi kerek edi. Alaıda qarsylastary kortqa shyqpaı qaldy da, J.Qulambaeva men D.Martsınkevıch oınamastan fınalǵa joldama aldy.
Endi Jibek pen Dıana fınalda taǵy bir qazaqstandyq Anna Danılına – ýkraınalyq Valerııa Strahovamen bas júldeni sarapqa salady.
Eske sala keteıik, budan buryn Anna Danılınanyń Úndistandaǵy týrnırdiń jeńimpazy atanǵanyn, Elena Rybakınanyń álemdik reıtıngide jyldy TOP-15-te aıaqtaǵanyn jazǵan bolatynbyz.
Sondaı-aq qazaqstandyq tennısshi Úndistandaǵy jarystyń fınalyna shyqty.
