Tennıs: Jibek Qulambaeva Shymkenttegi týrnırdiń chempıony atandy
NUR-SULTAN. QazAqparat – Qazaqstandyq Jibek Qulambaeva Shymkenttegi ITF týrnıriniń chempıony atandy, dep habarlaıdy QazAqparat tilshisi.
Álemniń 578-raketkasy J.Qulambaeva fınalda dúnıejúzilik reıtıngte 1145-orynda turǵan Belarýs ókili Krıstına Dmıtrýkpen kúsh synasty.
Qazaqstandyq tennısshi birinshi partııada 7:5 esebimen basym tússe, ekinshisinde tipti bet qaratpady – 6:0.
J.Qulambaeva budan buryn Polsha ókili Martına Kýbkamen birge juptyq synda da ozyq shyqqan bolatyn. Sóıtip ol týrnırdiń absolıýtti jeńimpazy atandy.
Eske sala keteıik, budan buryn Jibek Qulambaevanyń Shymkent týrnıriniń fınalyna shyqqanyn, Rolan Garros týrnıri bastalatynyn jazǵan bolatynbyz.
Sondaı-aq Elena Rybakına Rolan Garros týrnırin jeńispen bastady.
