Tennıs: Jas qazaqstandyq Slovakııadaǵy týrnırdiń absolıýtti chempıony atandy
NUR-SULTAN. QazAqparat – Qazaqstandyq Zańǵar Nurlanuly 14 jasqa deıingi tennısshiler arasynda Slovakııadaǵy Tennis Europe serııasy boıynsha ekinshi sanattaǵy Baseline Open U14 2022 týrnıriniń absolıýtti chempıony atandy, dep habarlaıdy QazAqparat tilshisi.
Jekeleı synda 13 jasar qazaqstandyq sportshy fınalda úsh settik tartysty matchta Slovenııanyń osy jastaǵylar arasyndaǵy birinshi raketkasy Zıgo Sheshkony 3:6, 6:2, 7:6 (7:1) esebimen utty.
Match eki saǵat jarym ýaqytqa sozyldy.
Qazaqstannyń jas juldyzy osylaısha sporttyq jolyndaǵy besinshi, bıylǵy ekinshi tıtýlyna qol jetkizdi.
Keshe Zańǵar juptyq synda Z.Sheshkomen birge fınalda qytaılyq ıAnhong Lı – chehııalyq ıAn Rastıtsany 6:2, 7:5 esebimen jeńgen edi.
«Jeńisten keıin bosańsýǵa ýaqyt joq, kishkene demalyp, Portýgalııada ótetin sýper jarysqa barmaqshymyn. Sosyn el quramasy sapynda Úndistanǵa attanamyn, onda jasóspirimder arasyndaǵy álem chempıonatyna irikteý matchtary ótedi. Qazaqstan namysyn alǵash ret qorǵaý úlken jaýapkershilikti júkteıdi, ol ómir boıy esimde qalatyn bolady», dedi Zańǵar Nurlanuly.
Eske sala keteıik, budan buryn Zańǵar Nurlanulynyń Slovakııadaǵy týrnırdiń fınalyna shyqqanyn jazǵan bolatynbyz.
Sondaı-aq Elena Rybakına Indıan-Ýells týrnıriniń úshinshi aınalymyna shyqty.
