Tennıs: Zarınanyń jeńisti jolyn Galına jalǵastyra almady
ORAL. 16 qańtar. QazAqparat - Avstralııanyń ashyq chempıonatynda qazaqstandyq tennısshi Galına Voskoboeva asa tartysty matchta ıspanııalyq Karla Sýares-Navarrodan jeńilip qaldy.
Úshinshi partııada alda turǵan Galına sol basymdylyqty paıdalana almady. Sóıtip 6:8 esebimen Karlaǵa jol berdi. Alǵashqy eki partııa 6:7 jáne 6:3 esebimen aıaqtalǵan bolatyn. G.Voskoboeva álemdik reıtıngte 77-inshi orynda tursa, K.Sýares-Navarro 16 satyda keledi. Atalmysh chempıonatta ystyq aýa raıyna baılanysty tennısshilerdiń sheberligine qosa tózimdiligi de synalýda. Sonymen, Avstralııanyń ashyq birinshiliginde jekeleı synda Qazaqstannan jalǵyz Zarına Dııas qana qaldy. Ol úshinshi aınalymda 1991 jylǵy rýmynııalyq tennısshi, álemniń 11-inshi raketkasy Sımona Haleppen kúsh synasady.
