Tennıs: Zarına Dııastyń Shenchjen týrnırindegi qarsylasy anyqtaldy
ASTANA.QazAqparat - Qazaqstandyq Zarına Dııastyń Shenchjen (Qytaı) týrnırindegi qarsylasy anyqtaldy, dep habarlaıdy QazAqparat tilshisi.
Júlde qory 626 750 AQSh dollaryna baǵalanǵan bul jarys - tennısshiler úshin jańa maýsymdaǵy alǵashqy týrnırlerdiń biri.
Qazirgi kezde irikteý saıystary ótip jatqan dástúrli týrnır 5 qańtar kúni márege jetedi.
Dúnıejúzilik reıtıngte 89-orynda turǵan Zarına Dııas alǵashqy aınalymda álemniń 71-inshi raketkasy, reseılik Evgenııa Rodınamen kúsh synasady. Ony jeńgen jaǵdaıda álemniń 20-synshy raketkasy, qytaılyq Van Tsıan nemese amerıkalyq, reıtıngte 62-satydaǵy Elıson Rıskeniń bireýimen kezdesedi.
Aıta keteıik, 2018 jyly álemniń birinshi raketkasy, rýmynııalyq Sımona Halep osy jarystyń jeńimpazy atanǵan bolatyn. Alaıda bıyl ol qatyspaıdy. Degenmen álemniń 13-inshi raketkasy, Belarýs eliniń ókili Arına Sobolenko bastaǵan frantsııalyq Karolın Garsııa, ataqty reseılik tennısshi Marııa Sharapova syndy myqty sportshylar barshylyq.
Shenchjen týrnıri de 10-26 qańtar aralyǵynda ótetin Avstralııa ashyq chempıonaty aldyndaǵy jarystardyń biri bolyp esepteledi.
