Tennıs: Zarına Dııas jyldy jeńispen bastady
ASTANA. QazAqparat - Qazaqstandyq tennısshi Zarına Dııas jyldy jeńispen bastady, dep habarlaıdy «QazAqparat» tilshisi.
Qytaıdyń Shenchjen qalasynda ótip jatqan halyqaralyq týrnırdiń birinshi aınalymynda álemniń 66-ynshy raketkasy Z.Dııas dúnıejúzilik reıtıngte 81-orynda turǵan frantsııalyq Polın Parmantemen kezdesti. Qazaqstandyq tennısshi 6:3, 6:4 esebimen eki partııada jeńiske jetti. Z.Dııas endi osy týrnırdiń úshinshi, álemniń 35-inshi raketkasy, qytaılyq Chjan Shýaımen kúsh synasady. Ol birinshi kezdesýinde reseılik Anna Blınkovany dál sondaı eseppen utty.
Aıta keteıik, Shenchjen týrnıriniń júlde qory - 750 myń AQSh dollary. Oǵan álemniń birinshi raketkasy, rýmynııalyq Sımona Halep bastaǵan mańdaıaldy tennısshiler qatysýda.
