Tennıs: Zarına Dııas Japonııadaǵy taǵy bir týrnırdi sátti bastady
NUR-SULTAN. QazAqparat - Qazaqstandyq tennısshi Zarına Dııas Japonııada ótip jatqan Fýkýoka ITF týrnırin sátti bastady, dep habarlaıdy QazAqparat tilshisi.
Jarystyń birinshi, álemniń 98-raketkasy Z.Dııas alǵashqy aınalymda reıtıngte 346-satyda turǵan aýstralııalyq Elıson Baımen kezdesti.
Birinshi sette E.Baı 7:5 esebimen basym tústi.
Esesine ekinshi partııada qazaqstandyq tennısshi ese qaıyrdy - 6:3.
Úshinshi, sheshýshi sette Zarına qos birdeı breıkpen alǵa ketti - 4:0. Aqyry sol basymdylyǵynan aıyrylǵan joq - 6:2.
Birshama tartysty ótken báseke saǵat jarymdaı ýaqytqa sozyldy.
Z.Dııas ekinshi aınalymda álemniń 421-raketkasy, japonııalyq Mana Aıýkavamen shırek fınalǵa shyǵý úshin talasady.
Atalmysh týrnır 12 mamyrda márege jetedi.
Eske sala keteıik, Zarına Dııastyń Japonııadaǵy Gıfý ITF jarysynyń jeńimpazy atanyp, úzdik 100 tennısshiniń qataryna engenin jazǵan bolatynbyz.
Madrıd týrnırin jeńispen bastap, úshinshi aınalymǵa shyqqan ıÝlııa Pýtıntseva búgin álemniń 9-raketkasy, aýstralııalyq Eshlı Bartımen shırek fınal joldamasyn sarapqa salady.
Shymkentte ótip jatqan chellendjer týrnırin Andreı Golýbev pen Tımofeı Skatov, sodan keıin AQSh-taǵy jarystan jeńimpaz bolyp kelgen Dmıtrıı Popko sátti bastady.
