TENNIS: Zarına Dııas jańa jyldaǵy alǵashqy qadamyn Shenchjen qalasynda bastaıdy
ASTANA. QazAqparat - Qazaqstannyń birinshi, álemniń 33-inshi raketkasy Zarına Dııas 4-10 qańtar aralyǵynda Qytaıdyń Shenchjen qalasynda ótetin WTA halyqaralyq týrnırine qatysady.
Chempıonat.kom saıtynan alynǵan málimetke qaraǵanda, jıyrma bir jasar Zarına alǵashqy kezdesýin horvatııalyq jas tennısshi, 1996 jylǵy Donna Vekıchpen ótkizedi. Donna ońaı shaǵylar jańǵaq emes, ótken jyly Kýala-Lýmpýr týrnırin utqan tennısshi.
Aıta keteıik, Shenchjen týrnıriniń júlde qory - 500 myń AQSh dollary. Onda álemniń úshinshi, osy týrnırdiń birinshi raketkasy, rýmynııalyq Sımona Halep, dúnıejúzilik reıtıngte tórtinshi orynda turǵan chehııalyq Petra Kvıtova, qytaılyq Pen Shýaı syndy álemniń myqty tennısshileri bas qosyp, sheberlik baıqasady. Bastapqy matchtaryn sátti ótkizgen jaǵdaıda Z.Dııas S.Haleppen tek jartylaı fınalda ǵana kezdesýi múmkin. Ótken jyly Sımona Zarınanyń eki ret jolyn kesken bolatyn.
Atalmysh týrnırde 2013 jáne 2014 jyldary ataqty qytaı tennısshisi, 2014 jyly sporttyq jolyn támamdaǵan Lı Na jeńimpaz atanyp edi. Sondyqtan bıyl jarystyń jańa chempıonynyń esimi belgili bolmaq.
