Tennıs: Zarına Dııas Ystanbul týrnırinde jeńilip qaldy

Álemniń 69-ynshy, osy dodanyń 7-raketkasy Z.Dııas birinshi aınalymda reıtıngide 106-orynda turǵan Belarýs ókili Aleksandra Sasnovıchpen kortqa shyqty.

Buǵan deıin AQSh-tyń ashyq chempıonatynda Zarına bastapqy kezdesýinde-aq utylyp qalsa, qarsylasy úshinshi aınalymda taǵy bir qazaqstandyq ıÝlııa Pýtıntsevaǵa jol bergen edi.

Birinshi partııada eki breık jasaǵan Z.Dııas 5:1 esebimen alǵa ketti. Budan soń A.Sasnovıch esepti qysqartqanymen, Zarına óz múmkindigin jibermedi - 6:3.

Ekinshi sette de qazaqstandyq tennısshi breıkpen alǵa shyqty – 2:1. Taǵy bir breık – 5:2. Matchqa dop bergende, qarsylasy breık jasap, óz geımin de aldy – 4:5. Sosyn tarazy basyn teńestirdi – 5:5. Zarına bolsa, matchboldaryn paıdalana almady. A.Sasnovıch utylyp bara jatyp, setti óz paıdasyna jaza bildi – 7:5.

Úshinshi, sheshýshi sette belorýs tennısshisi breıkpen alǵa ketti – 2:0. Qarsylasy toǵyz geımdi qatarynan alǵannan keıin ǵana Zarına breık jasaı aldy – 1:4. Munymen esh paıda bolmaı, qarsylasy matchty jeńispen támamdady – 6:1.

Tartysty báseke 2 saǵat 24 mınýtqa sozyldy.

Zarına A.Sasnovıchti 2015 jyly Ýımbldon týrnırinde utqan edi.

A.Sasnovıch júlde qory 225,5 myń AQSh dollaryna baǵalanǵan dodanyń shırek fınalyna shyǵý úshin reıtıngte 182-satydaǵy slovakııalyq Anna Karolına Shmıdlovamen talasady. Ol alǵashqy oıynynda álemniń 113-raketkasy, slovenııalyq, 19 jastaǵy Kaıa ıÝvandy 7:5, 1:6, 6:4 esebimen tize búktirdi.

Z.Dııas A.Shmıdlovany da 2015 jyly Aýstralııa ashyq chempıonatynda jeńgen bolatyn.

Ystanbul dodasynda taǵy bir qazaqstandyq Anna Danılına reseılik ıAna Sızıkovamen birge juptyq synda túrkııalyqtar Aıla Aksý men Ipek Ozdy 4:6, 6:3, 10:3 esebimen utyp, shırek fınalǵa ótti. Endi olar jartylaı fınalǵa shyǵý úshin A.Shmıdlova jáne ýkraınalyq Katarına Zavatskaıamen kúsh synasady.

Eske sala keteıik, qazaqstandyq tennnısshi ıÝ.Pýtıntseva US Open týrnıriniń jartylaı fınalyna shyǵa almady.