Tennıs: Zarına Dııas úshinshi aınalymnan asa almady
ORAL. 18 qańtar. QazAqparat - Búgin Avstralııanyń ashyq chempıonatynda qazaqstandyq tennısshi Zarına Dııas úshinshi aınalymda rýmynııalyq, álemdik reıtıngte 11-orynda turǵan Sımona Haleppen kúsh synasty.
Alǵashqy ondyqqa jaqyn turǵan S.Halep eki partııada (6:1, 6:4) jeńiske jetti. Zarına úshinshi aınalymnan asa almasa da, osynyń ózin úlken tabys dep esepteýge bolady. Qazir ol álemdik reıtıngte 152-inshi orynda tursa, aldaǵy dúısenbide ol jańartylǵan kezde joǵarylary anyq.
Endi jyldy jaqsy bastaǵan qazaq qyzyna aldaǵy jarystarda sáttilik tileımiz.
