Tennıs: Zarına Dııas úshinshi aınalymǵa shyqty!
ORAL. 16 qańtar. QazAqparat - Avstralııanyń ashyq chempıonatynda qazaqstandyq tennısshi Zarına Dııas jańazelandııalyq, tegi ıýgoslavııalyq Marına Erakovıchpen kezdesip, ony 6:4 jáne 6:0 esebimen eki partııada utty.
Sóıtip reıtıngte 167-inshi orynda turǵan jıyrma jasar Zarına ózinen áldeqaıda tájirıbeli, álemniń 52-inshi raketkasy bolyp sanalatyn M.Erakovıchti jeńip, qazaq qyzdary arasynan tuńǵysh ret Avstralııa birinshiliginiń úshinshi aınalymyna shyqty. Endi Z.Dııas amerıkandyq Varvara Lepchenko nemese Rýmynııa eliniń jas jaryq juldyzy Sımona Haleptiń bireýimen kortqa shyǵady. Atalmysh chempıonatta Qazaqstannyń taǵy bir úmiti Galına Voskoboeva osy sátte ıspanııalyq Karla Sýares-Navarromen kúsh synasýda. Esep teń - 6:7 jáne 6:3, qazir úshinshi, sheshýshi partııa oınalýda.
