Tennıs: Zarına Dııas US Open týrnırinde álemniń 8-inshi raketkasymen oınaıdy
ASTANA. QazAqparat - Qazaqstandyq tennısshilerdiń AQSh-tyń ashyq chempıonatyndaǵy (US Open) qarsylastary belgili boldy, dep habarlaıdy QazAqparat tilshisi.
Nıý-Iork qalasynda 27 tamyz - 9 qyrkúıek aralyǵynda ótetin jyldyń eń sońǵy «Úlken dýlyǵa» jarysyna Qazaqstannan úsh birdeı tennısshi qatysady.
Erler arasyndaǵy básekede Qazaqstannyń birinshi,álemniń 84-inshi raketkasy Mıhaıl Kýkýshkın alǵashqy aınalymda dúnıejúzilik reıtıngte 135-inshi orynda turǵan amerıkalyq Noı Rýbınmen kúsh synasady.
Áıelder arasynda álemniń 51-inshi raketkasy ıÝlııa Pýtıntseva taǵy bir amerıkalyq, reıtıngte 94-inshi satyda kele jatqan Bernardo Peramen kezdesedi.
Reıtıngte 62-inshi oryndaǵy Zarına Dııasqa jerebe joldas bola qoıǵan joq. Ol álemniń 8-inshi raketkasy, chehııalyq Karolına Plıshkovamen kortqa shyǵady.
Ótken jyly osy týrnırde M. Kýkýshkın úshinshi, ıÝ. Pýtıntseva ekinshi aınalymǵa deıin jete alsa, Z. Dııas oǵan qatyspaǵan bolatyn. Bıyl tennısshilerdiń qaı-qaısysy da barynsha sátti óner kórsetip, kóbirek upaı jınaýmen birge molyraq tabys tabýǵa tyrysatyny anyq.
Aıta keteıik, Zarına Dııas búgin túnde márege jetken Nıý-Heıven týrnırinde jaqsy oıynymen kózge tústi. Ol irikteý saıystarynan sátti ótip qana qoımaı, júlde qory 799 myń AQSh dollaryn quraıtyn negizgi týrnırdiń alǵashqy aınalymynda álemniń 32-inshi raketkasy, Grekııa eliniń ókili Marııa Sakkarıdi tize búktirdi. Ekinshi aınalymda taǵy bir chehııalyq, álemniń 5-inshi raketkasy Petra Kvıtovaǵa kádimgideı qarsylyq kórsetti. Úsh partııaǵa sozylǵan kezdesýde P. Kvıtova jeńiske jetip, shırek fınalǵa shyqqanymen, sodan keıin ol ıspanııalyq Karla Sýares Navarroǵa jol berdi. Navarro bolsa, fınalǵa deıin jetip, sońǵy synda Belarýs tennısshisi Arına Sobolenkodan utylyp qaldy. Bul - A. Sobolenkonyń WTA týrnırindegi birinshi jeńisi.
Osylaısha Z. Dııastyń Chehııanyń qos birdeı myqtysymen joly toqaılasyp otyr.
