Tennıs: Zarına Dııas Ýımbldonnyń negizgi týrnırine joldama aldy
ASTANA. QazAqparat - Qazaqstandyq Zarına Dııas Ýımbldonnyń negizgi týrnırine shaqyrtý aldy, dep habarlaıdy «QazAqparat» tilshisi.
Championat.com saıtynan alynǵan málimetke qaraǵanda, Z.Dııaspen birge sondaı-aq Ulybrıtanııa eliniń ókilderi Hıter Ýotson, Lora Robson, Naomı Broedı jáne Ketı Boýlter negizgi týrnırdiń joldamasyna («ýaıld-kard») ıe boldy. ıAǵnı olar irikteý saıystaryna qatyspastan, birden negizgi týrnırde baq synaıdy.
Álem chempıonatymen teń sanalatyn «Úlken dýlyǵa» jarysynyń biri - Ýımbldon týrnıri 3-16 shilde aralyǵynda ótedi. 2014 jyly Z.Dııas osy týrnırdiń tórtinshi aınalymyna deıin jetken edi.
Eske sala keteıik, ótken aptada Zarına Dııas Manchester týrnıriniń jeńimpazy atanyp, sonyń nátıjesinde dúnıejúzilik reıtıngte 133-inshi orynǵa shyqqan edi. Sodan keıin Ilkleı týrnırin de sátti bastap, álemniń 47-inshi raketkasy, frantsııalyq Osean Dodendi utqan Zarına keshe, ókinishke qaraı, reıtıngte 103-inshi orynda kele jatqan belgııalyq Alıson van Eıtvankke úsh partııada ese jiberdi. Degenmen Zarına Dııasqa endi Ýımbldon týrnırine esh alańsyz daıyndalýǵa múmkindik týyp otyr.
