Tennıs: Zarına Dııas Ýımbldon týrnıriniń úshinshi aınalymyna ótti
ASTANA. QazAqparat - Londonda tennısten ótip jatqan Ýımbldon týrnırinde qazaqstandyq tennısshi, álemniń 130-ynshy raketkasy Zarına Dııas búgin dúnıejúzilik reıtıntge 166-ynshy orynda turǵan avstralııalyq Arına Rodıonovamen kúsh synasty, dep habarlaıdy «QazAqparat» tilshisi.
Zarına birinshi partııada qarsylasynan 6:4 esebimen basym tústi. Ekinshi partııada qazaqstandyq tennısshi 1:5 esebimen utylyp jatyp, sheberlik pen qaısarlyq tanyta otyryp, tarazy basyn teńestire aldy. Budan keıin A.Rodıonova breık jasap, 6:5 esebimen qaıta alǵa shyqty. Degenmen Z.Dııas ta berispeı, qaıtadan breıkke qol jetkizdi. Taı-breıkte qazaqstandyq tennısshi 7:4 esebimen jeńiske jetti.
Úshinshi aınalymda Zarına dúnıejúzilik reıtıngte 135-inshi orynda turǵan horvatııalyq Petra Martıch pen álemniń 107-inshi raketkasy, chehııalyq Denısa Allertovanyń qaı jeńgenimen kezdesedi.
Erler arasyndaǵy básekede Qazaqstannyń - birinshi, álemniń 118-inshi raketkasy Mıhaıl Kýkýshkın úshinshi aınalymǵa shyǵa almady. Ol osy týrnırdiń 27-inshi raketkasy, germanııalyq Mısha Zverevpen bes partııaǵa sozylǵan shaıqasta 1:6, 2:6, 6:2, 6:3, 4:6 esebimen jeńilip qaldy.
Eske sala keteıik, Z.Dııas 2014 jáne 2015 jyldary Ýımbldon týrnıriniń tórtinshi aınalymyna deıin jetip, onda sáıkesinshe álemniń mańdaıaldy tennısshileri, rýmynııalyq Sımona Halep pen reseılik Marııa Sharapovaǵa ese jibergen bolatyn.
