Tennıs: Zarına Dııas Ýımbldon týrnırinde utylyp qaldy
NUR-SULTAN. QazAqparat - Qazaqstandyq Zarına Dııas Ýımbldon týrnıriniń ekinshi aınalymyna shyǵa almady, dep habarlaıdy QazAqparat tilshisi.
Dúnıejúzilik reıtıngte 101-orynda turǵan Z.Dııas alǵashqy aınalymda álemniń 56-raketkasy, latvııalyq Anastasııa Sevastovamen oınady.
Latvııalyq tennısshi 6:4, 6:1 esebimen jeńiske jetti.
Báseke 1 saǵat 10 mınýtqa sozyldy.
Match barysynda A.Sevastova 11 breık-poınttyń beseýin paıdalana bildi. Qazaqstandyq sportshy 5 breık-poınttyń bireýin ǵana óz esebine jaza aldy.
Osylaısha 2014 jáne 2015 jyldary Ýımbldonda tórtinshi aınalymǵa deıin jetken Zarına úshin bıyl jarys erte aıaqtaldy. Degenmen ol juptyq synda óner kórsetedi.
A.Sevastova ekinshi aınalymda álemniń 70-raketkasy, ýkraınalyq Marta Kostıýkpen kúsh synasady.
Eske sala keteıik, budan buryn qazaqstandyq tennısshiniń Ýımbldon jastar týrnıriniń irikteý saıysynda baq synaıtynyn, ıÝlııa Pýtıntsevanyń jarystyń ekinshi aınalymyna shyqqanyn jazǵan bolatynbyz.
