Tennıs: Zarına Dııas Ýhan týrnıriniń irikteý saıysyn sátti bastady
NUR-SULTAN. QazAqparat - Qazaqstandyq Zarına Dııas Qytaıdaǵy Ýhan WTA týrnıriniń irikteý saıysyn sátti bastady, dep habarlaıdy QazAqparat tilshisi.
Álemniń 85-raketkasy Z.Dııas dúnıejúzilik reıtıngte 311-orynda turǵan danııalyq Klara Taýsonmen kezdesti.
Birinshi partııada qazaqstandyq tennısshi 6:4 esebimen jeńiske jetse, ekinshisinde qarsylasy ese qaıyrdy - 6:2. Úshinshi, sheshýshi sette Zarına esesin jibergen joq - 6:2. Tartysty báseke 2 saǵat 17 mınýtqa sozyldy.
Zarına irikteý saıystarynyń fınalynda álemniń 64-raketkasy, amerıkalyq Loren Devıspen sheberlik baıqasady. Ony jeńgen jaǵdaıda negizgi týrnırge joldama alady.
Eske sala keteıik, budan buryn ıÝlııa Pýtıntsevanyń Osaka týrnıriniń shırek fınalyna shyqqanyn jazǵan bolatynbyz.
