Tennıs: Zarına Dııas Tokıonyń negizgi týrnırine joldama aldy
ASTANA. QazAqparat - Qazaqstandyq tennısshi Zarına Dııas Tokıonyń negizgi týrnırine joldama aldy, dep habarlaıdy QazAqparat tilshisi.
Álemdik reıtıngte 65-inshi orynda turǵan Z.Dııas irikteý saıystaryn sátti ótkizdi.
Qazaqstandyq sportshy jartylaı fınalda japonııalyq, álemniń 314-inshi raketkasy Mııabı Inýeni 6:4, 6:3 esebimen tize búktirdi. Sodan keıin fınalda reıtıntge 318-inshi satydaǵy taǵy bir japonııalyq Rısa Odzakıdi 6:1, 6:0 esebimen oısyrata utty.
Zarına Dııastyń Tokıonyń negizgi týrnırindegi qarsylasy keıin anyqtalady.
Eske sala keteıik, buǵan deıin Z.Dııastyń Hırosıma týrnıriniń jartylaı fınalyna shyǵa almaǵanyn jazǵan bolatynbyz. Bul jarysta fınalda amerıkalyq 17 jasar Amanda Anısımovany jeńgen Qytaılyq Taıbeıdiń ókili Se Shýveı chempıon atandy.
