Tennıs: Zarına Dııas ta Vashıngton týrnırin sátti bastady
NUR-SULTAN. QazAqparat - Qazaqstandyq Zarına Dııas Vashıngton WTA týrnırin sátti bastady, dep habarlaıdy QazAqparat tilshisi.
Álemniń 84-raketkasy Z.Dııas dúnıejúzilik reıtıngte 146-orynda turǵan amerıkalyq 15 jasar tennısshi Korı Gaýffpen kezdesti.
K.Gaýff bıyl Ýımbldon týrnırine irikteý saıystarynan keıin qosylyp, negizgi jarysta otandasy, ataqty Vınýs Ýılıams syndy myqtylardy utyp, aıdy aspanǵa shyǵarǵan edi.
K.Gaýff Vashıngton týrnırine de irikteýden keıin joldama aldy.
Degenmen bul joly oǵan qaraǵanda, áldeqaıda tájirıbelirek Zarına Dııas oıyn tizginin qolyna nyq ustady. Ol 1 saǵat 19 mınýtqa sozylǵan matchta 6:4, 6:2 esebimen jeńiske jetti.
Osylaısha Zarına júlde qory 250 myń AQSh dollaryna baǵalanǵan dodanyń ekinshi aınalymyna shyqty.
Z.Dııas shırek fınalǵa shyǵý úshin osy týrnırdiń besinshi, álemniń 35-raketkasy, ýkraınalyq Lesıa Tsýrenkomen talasady.
Eske sala keteıik, budan buryn Aleksandr Býblıktiń Vashıngton týrnırin jeńispen bastaǵanyn, Mıhaıl Kýkýshkınniń Los Kabos jarysynyń ekinshi aınalymyna shyqqanyn jazǵan bolatynbyz.
A.Býblık Vashıngton týrnıriniń ekinshi aınalymynda álemniń 40-raketkasy, amerıkalyq Frensıs Tıafodan 1:6, 6:7 (5:7) esebimen jeńilip qaldy.
