Tennıs: Zarına Dııas ta Dýbaı týrnıriniń alǵashqy aınalymynan asa almady
ASTANA. QazAqparat - Qazaqstandyq tennısshi Zarına Dııas Dýbaı týrnıriniń alǵashqy aınalymynda slovenııalyq Dalıla ıAkýpovıchpen kúsh synasty, dep habarlaıdy QazAqparat tilshisi.
Álemdik reıtıngte Z.Dııas búgin 94-orynǵa kóterilse, qarsylasy 85-satyda edi.
Zarına júlde qory 2,5 mln astam AQSh dollaryna baǵalanǵan negizgi týrnırge irikteý saıystaryn sátti ótkizgennen keıin qosylǵan bolatyn. Al D.ıAkýpovıch irikteý saıysynyń fınalynda utylyp qalsa da, negizgi jarysqa arnaıy shaqyrtý aldy.
Tájirıbeli tennısshi D.ıAkýpovıch 1991 jylǵy bolsa, Zarına odan eki jas kishi edi.
Birinshi partııada esep 1:1 bolyp turǵan mezette qazaqstandyq tennısshi breık jasap, alǵa shyqty. Sodan keıin óz geımderin qur jibermeı, taǵy eki breıkke qol jetkizip, setti támamdady - 6:1.
Ekinshi sette birden breık jasaǵan slovenııalyq tennısshi alǵa shyqty - 2:0. Tórtinshi geımde Zarına tórt birdeı breık-poıntty múlt jiberdi - 1:3. Esesine D.ıAkýpovıch taǵy bir breık jasap, óz geımin de aldy - 5:1. Taǵy da breık - 6:1.
Úshinshi, sheshýshi partııada esep 2:1 bolǵan sátte D.ıAkýpovıch breık jasap, óz geımin de aldy - 4:1. Budan keıin bapkeriniń aqyl-keńesine júgingen Zarına esepti qysqartty - 2:4. Biraq qarsylasy taǵy bir breıkpen matchty qorytyndylady - 6:2.
Birshama tartysty ótken báseke saǵat jarymdaı ýaqytqa sozyldy.
Slovenııalyq sportshynyń ekinshi qarsylasy óte myqty. Dalıla birinshi aınalymda bos bolǵan álemniń 7-raketkasy, germanııalyq Anjelıka Kerbermen sheberlik baıqasady.
Erler arasynda Qazaqstannyń birinshi, álemniń 50-raketkasy Mıhaıl Kýkýshkın Frantsııada Marsel týrnıriniń (júlde qory - 668 485 eýro) alǵashqy aınalymynda reıtıngte 61-orynda turǵan amerıkalyq Denıs Kýdlamen kezdesedi.
Taǵy bir qazaqstandyq tennısshi, álemdik reıtıngtegi 149-oryndaǵy Aleksandr Býblık Italııada Bergamo chellendjer týrnırinde baq synaıdy.
Eske sala keteıik, budan buryn qazaqstandyq tennısshilerdiń Dýbaı týrnırindegi qarsylastary anyqtalǵanyn, odan keıin ıÝlııa Pýtıntsevanyń alǵashqy aınalymnan asa almaǵanyn, búgin M.Kýkýshkınniń úzdik elýlikke engenin jazǵan bolatynbyz.
