Tennıs: Zarına Dııas Strasbýrg týrnıriniń shırek fınalyna shyǵa almady
NUR-SULTAN. QazAqparat – Qazaqstandyq Zarına Dııas Strasbýrg WTA týrnıriniń shırek fınalyna shyǵa almady, dep habarlaıdy QazAqparat tilshisi.
Álemniń 76-raketkasy Z.Dııas ekinshi aınalymda dúnıejúzilik reıtıngte 84-orynda turǵan japonııalyq Nao Hıbınomen sheberlik baıqasty.
Munyń aldynda US Open týrnıriniń 2017 jylǵy jeńimpazy, amerıkalyq Sloan Stıvensti jarys jolynan taıdyrǵan japonııalyq sportshy bul joly da babynda ekendigin baıqatty.
N.Hıbıno 7:5, 6:3 esebimen jeńiske jetti.
Báseke 1 saǵat 47 mınýtqa sozyldy.
N.Hıbıno jartylaı fınalǵa shyǵý úshin álemniń 8-raketkasy, Nıderlandy ókili Kıkı Bertens nemese reıtıngte 43-oryndaǵy latvııalyq Elena Ostapenkonyń bireýimen talasady.
Japonııalyq tennısshi jartylaı fınalǵa ótse, Qazaqstannyń birinshi raketkasy Elena Rybakınamen kezdesýi múmkin. Ol úshin ekeýi de shırek fınaldyq matchtaryn utýy tıis. E.Rybakınanyń qarsylasy – qytaılyq Chjan Shýaı.
Eske sala keteıik, budan buryn E.Rybakınanyń Strasbýrgte shırek fınalǵa ótkenin, ıÝ.Pýtıntsevanyń álemdik reıtıngte 27-orynǵa kóterilgenin, A.Býblıktiń Gambýrg týrnıriniń ekinshi aınalymyna shyqqanyn jazǵan bolatynbyz.
