Tennıs: Zarına Dııas Shenchjen týrnıriniń jartylaı fınalyna shyǵa almady
NUR-SULTAN. QazAqparat - Qazaqstandyq Zarına Dııas Shenchjen (Qytaı) týrnıriniń jartylaı fınalyna shyǵa almady, dep habarlaıdy QazAqparat tilshisi.
Reıtıngte 75-orynda turǵan Z.Dııas shırek fınalda álemniń 35-inshi, osy jarystyń 6-raketkasy, ıspanııalyq Garbıne Mýgýrýsamen kezdesti.
Qarsylastar matchty breık almasýmen bastady. Partııa barysynda taǵy bir breık jasaǵan ıspanııalyq sportshy basymdylyq tanytty - 6:4.
Ekinshi sette Zarına 3:0 esebimen alǵa ketti. Bul joly qazaqstandyq tennısshi sol qarqynynan tanǵan joq - 6:2.
Úshinshi, sheshýshi partııada birden alǵa shyqqan Mýgýrýsa sol múmkindigin paıdalana bildi - 6:4.
Tartysty báseke 2 saǵat 8 mınýtqa sozyldy.
G.Mýgýrýsa fınalǵa shyǵý úshin qytaılyq Van Tsıan nemese reseılik Ekaterına Aleksandrovanyń bireýimen sheberlik baıqasady.
Eske sala keteıik, budan buryn Mıhaıl Kýkýshkınniń Doha týrnıriniń shırek fınalyna shyǵa almaǵanyn jazǵan bolatynbyz.
