Tennıs: Zarına Dııas Serena Ýılıamspen kezdesedi
ASTANA. QazAqparat - Qazaqstannyń birinshi, álemniń 53-inshi raketkasy Zarına Dııas Indıan-Ýells (AQSh) týrnıriniń alǵashqy aınalymynda amerıkalyq Serena Ýılıamspen kezdesedi, dep habarlaıdy «QazAqparat» tilshisi.
Álemniń burynǵy birinshi raketkasy, «Úlken dýlyǵa» týrnırin 23 ret utqan S.Ýılıams ótken jyly sábıli bolǵannan keıin tennısten ýaqytsha qol úzip, dýly ortaǵa qaıta qosylǵan bolatyn.
Bir qyzyǵy, Z.Dııas S.Ýılıamsty utyp ketse, ekinshi aınalymda onyń apasy, álemniń 8-inshi raketkasy Vınýs Ýılıamspen sheberlik baıqasady.
Taǵy bir qazaqstandyq tennısshi, dúnıejúzilik reıtıngte 81-inshi orynda turǵan ıÝlııa Pýtıntseva birinshi aınalymda belgııalyq, álemniń 50-inshi raketkasy Elıson Van Eıtvankpen kúsh synasady.
Aıta keteıik, Zarına Dııas buǵan deıin Serena Ýılıamspen eki márte kortqa shyqqan. Qazaqstandyq tennısshi 2015 jyly osy Indıan-Ýells týrnırinde 2:6, 0:6, 2016 jyly Maıamı qalasynda 5:7, 3:6 esebimen utylǵan edi.
