Tennıs: Zarına Dııas Rolan Garros týrnıriniń negizgi kezeńine óte almady
ORAL. QazAqparat - Qazaqstandyq tennısshi, dúnıejúzilik reıtıngte 182-shi orynda turǵan Zarına Dııas Frantsııanyń ashyq chempıonaty - Rolan Garros týrnıri irikteý saıysynyń fınalynda álemniń 116-shy raketkasy, amerıkalyq Betanı Mattek-Sandspen kúsh synasty, dep habarlaıdy «QazAqparat» tilshisi.
www.myscore.ru saıtyndaǵy tikeleı kórsetilimde málim bolǵanyndaı, Zarınadan toǵyz jastaı úlken, 1985 jylǵy B.Mattek-Sands birinshi partııany 6:4 esebimen utty. Tisqaqqan oıynshy ekinshi partııada da basymdylyq tanytyp, 6:1 esebimen jeńiske jetti. Sóıtip ol 28 mamyr kúni bastalatyn Rolan Garrostyń negizgi týrnırine joldama aldy.
